Молитва за тех, кто на фронте или пропал без вести
О том, как родственникам и близким молиться за воинов, находящихся на линии огня или пропавших без вести, рассказывает клирик Одесской епархии протоиерей Вадим Гладкий.
Молитесь так, как сердце подсказывает. Не обязательно знать особые молитвы – важно, чтобы в словах были любовь, боль, вера и упование. Скажите Богу прямо: «Господи, сохрани его. Верни домой. Укрой от беды. Если он уже в вечности – помилуй и упокой». Господь знает, где он.
Можно читать Псалтирь, особенно псалом 90-й («Живый в помощи Вышняго»). Можно в храме заказать молебен о воинах, об исцелении раненых или о пропавших без вести. Можно подавать записки на церковные поминовения, особенно за Божественной литургией. И, конечно же, нужно молиться о человеке самому, в своей домашней молитве.
Не терять надежду – это не значит быть уверенным, что все закончится так, как мы хотим. Надежда не в том, что все будет хорошо, а в том, что Господь рядом всегда: и в жизни, и в смерти, и в ожидании, и в неизвестности. Доверяйте Ему. Он видит и слышит каждого.
И помните: молитва – это не последнее, что можно сделать. Это первое и главное.
Приведу примеры молитв для разных случаев.
Молитвы о воинах на поле брани:
Молитва первая
Господи Боже Вседержителю, присно о людех Твоих любовию промышляяй и ко спасению всех направляяй, у Негоже власы вся на главах человеческих изочтени суть.
Смире́нно мо́лим Тя: рабо́в Твои́х, во́инов, (имена) в тя́готах слу́жбы ратныя укрепи́, упова́нием и ве́рою уте́ши, благода́тию Твое́ю на по́ле бра́ни, покрывающе их и сохраняюще.
Да по́двиг любве в служении ближним и Отечествию своему соверши́вше, здра́вы и неврежде́нны в до́мы своя́ возвратя́тся, хва́ляще Тя, Еди́наго Бо́га, Творца́ и Промысли́теля на́шего, Отца́ и Сы́на и Свята́го Ду́ха. Ами́нь.
Молитва вторая, ко Пресвятей Богородице
Пресвятая Богородице, теплая наша Заступнице и Спасение всем, призывающим Тя! Не имамы иныя помощи, разве Тебе, Владычице, Ты бо еси едина надежда и упование наше. Не презри слез наших и не отрини усердных молений, но спаси от смерти и от бед сохрани воинов наших (имена), на поле брани сущих. Укрепи их дух, утверди в заповедех Сына Твоего, умножи в них веру, просвети ум, даждь мужество во бранех, да, непорочно исполнивше ратное служение, целы и невредимы возвратятся в домы своя и прославят пресвятое имя Отца и Сына и Святаго Духа и Твое милостивное заступление. Аминь.
Молитва третья, ко Пресвятей Богородице
К кому возопию, Владычице, кому повем скорбь сердца моего, аще не Тебе, Царице Милосердая? Душа моя смятеся и уны дух мой, но скоро услыши молитву мою, веру укрепи, терпением огради и благою надеждою оживи. Пресвятая Богородице, Дево Чистая! Заступи, сохрани, покрый милостию Твоею чадо мое, воина (имя), на поле брани сущаго, утверди его в вере истинней, огради от злобы врагов видимых и невидимых, сохрани его цела и невредима, подаждь силу ратное свое служение, яко крест, безпорочно понести и паки его в дом отчий возврати. Аминь.
Молитвы о плененных
Молитва первая
Го́споди Иису́се Христе́ Бо́же наш, и́стинную свобо́ду позна́вшим Тя дарова́вый, свята́го апо́стола Петра́ от уз и темни́цы без вся́каго вре́да свободи́вый, смире́нно мо́лим Тя: рабо́в Твои́х плене́нных, (имена), в заточе́нии су́щих, си́лою Твое́ю укрепи́. Се́рдце му́жественное, по́мощь и заступле́ние Твое́ им да́руй, и неизрече́нным Твои́м про́мыслом от плене́ния свободи́. Помо́щник кре́пок бу́ди им и нам, все упова́ние свое́ на Тя возлага́ющим и Твоея́ всеси́льныя по́мощи ве́рно ча́ющым. Ты бо еси́ кре́пость, и избавле́ние, и мир наш, и Тебе́ сла́ву возсыла́ем со Безнача́льным Твои́м Отце́м, и Пресвяты́м, и Благи́м, и Животворя́щим Твои́м Ду́хом, ны́не и при́сно, и во ве́ки веко́в. Ами́нь.
Молитва вторая
Преблаженнии и богоноснии избранницы Христовы: многосветлая звездо, Крестителю и Предтече Спасов Иоанне; святителю предивный и милостивый, великий чудотворче Николае; святый великомучениче и скорый плененных свободителю, Победоносче Георгие; великая в женах Анастасие Узорешительнице и вси святии! Молим вас мы, недостойнии: укрепите воинов (имена), в пленении сущих, от уз избавите, всякаго злаго обстояния свободите и на спасения стези направите, да, в домы своя возвратившеся, прославят Истиннаго Бога, Отца и Сына и Святаго Духа и ваше милостивое предстательство во веки веков. Аминь.
Молитва третья, ко Пресвятей Богородице
О, Всепетая Богородице, всех скорбящих Радосте и обидимых Заступнице! Услыши молитву мою, прошения моего не отрини и помилуй чадо мое (отца моего, мужа моего), воина (имя) в пленении сущаго! Сохрани его цела и невредима, огради его от злобы пленивших его, веру истинную в нем укрепи и скоро тяжкаго пленения избави, да в разуме воспевает Тя, Царице Небесная, и Сына Твоего, Господа нашего Иисуса Христа, со Безначальным Его Отцем и Пресвятым и Благим и Животворящим Его Духом во веки веков. Аминь.
Молитвы о воине, раненном на поле брани
Молитва первая
Господи, Иисусе Христе Боже наш, молитвами Всепречистыя Владычицы нашея Богородицы и Приснодевы Марии, силою честнаго и животворящаго Креста, предстательством честных небесных Сил бесплотных, святых врачей и целителей: апостола и евангелиста Луки, святых чудотворцев и безсребренников Кира и Иоанна, Космы и Дамиана, святаго великомученика Пантелеимона и учителя его Ермолая, преподобнаго Агапита Печерского, святителя земли Крымския и исповедника Луки, исцели воина Твоего (имя), на поле брани ранами уязвленнаго, утеши его надеждою на Тя и верою Православною укрепи. Услыши, Господи Человеколюбче, воздыхания сродник его. Да, восстав от одра болезни, послужит и поработает Тебе до скончания жизни своей и прославит Тя, исцеляющаго и врачующаго вся, со Отцем и Святым Духом. Аминь.
Молитва вторая
К кому возопию, Владычице? К кому прибегну в горести моей, аще не к Тебе, Царице Небесная? Кто плач мой слезный и воздыхание мое приимет, аще не Ты, Мати Божия, Заступнице и Прибежище во всех бедах нам грешным? Услыши вопль мой, Всемилосердая Целительнице, яко умножишася скорби сердца моего, и яви милость Свою на одре болезни возлежащему и раною уязвленному, чаду моему воину (имя), исцели его тяжкия душевныя и телесныя болезни, и воздвигни от одра немощи цела и всесовершенна, да воспевает Твое теплое заступление. Аминь.
Молитвы о без вести пропавших
Молитва первая
Влады́ко, Го́споди Бо́же наш, всем челове́ком хотя́й спасти́ся и в позна́ние и́стины приити́! Не отврати́ лица́ Твоего́ от припа́дающих к Тебе́ в ско́рби и печа́ли, но ми́лостивно услы́ши вопль рабо́в Твои́х, пла́чущих о бли́жних свои́х, без ве́сти су́щих, и благода́тию ороси́ сердца́ моля́щихся, утеше́ние и ободре́ние им да́рующе. Да бу́дет во́ля Твоя́, Бо́же, блага́я и всесоверше́нная. А́ще жи́ви без ве́сти су́щии рабы́ Твои́, я́ко сы́на, и́же изги́бл бе и обре́теся, я́ко заблу́ждшее овча́, обрети́ их, и к бли́жним возврати́, ра́дость ча́емую сре́тения да́рующе. А́ще же сии́ тече́ние земно́е соверши́ша, в селе́ниях пра́ведных ве́чныя ду́ши их учини́, нас же научи смире́нно приима́ти сие́ промы́шление о них, скорбя́щия уте́ши и ра́дость с Небесе́ им низпосли́. Твое́ бо есть е́же ми́ловати и спаса́ти ны, Бо́же наш, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в. Ами́нь.
Молитва вторая, ко Пресвятей Богородице
О, Всесвятая Владычице Богородице, Взыскание погибших, странных Питательнице и заблуждших Путеводительнице! Воина (имя), о немже не имамы извещения покрый честным Твоим омофором, сохрани от всех напастей вражиих, избави пленения и лютыя смерти, от отчаяния огради, да с благодарением и любовию воспевает Твое теплое заступление. Аминь.
